إذاعة مصر

Sunday, July 02, 2006

صعيدى شحط محط

فى هذه المدونة سأحاول أن أغوص فى عمق الصعيد وبخاصة الصعيد الجوانى وذلك من خلال عرض فكرة موضوعية صادقة عن الصعيدوالصعايدة المفترى عليهم .


قبل كل شيء

أود ان اشرح عنوان المدونة ثم أشرح الآليات التى سأقوم باستخدامها فىى هذا الصدد.

كلمة صعيدى

الصعيد هوالمساحة الجغرافية التى تبدأ بسور حديقة الحيوان وانتهاءً بحدود مصر الجنوبية.
مما يعن أن معظم مساحة مصر تقع فى نطاق الصعيد
والصعيدى هو الجنس البشرى الذى يعيش فى هذه المساحة

كلمة شحط

فى المعجم الوجيز : الشحط هو عود يرفع عليه الأغصان الرطاب ونحوها حتى لاتتدلى إلى الأرض بمعنى أوضح
هو قطعة خشب مستقيمة أو نحو ذلك تستخدم كدعامة للفرع الطري يسنده حتى لا يتدلى فينكسر

كلمة محط
من المعجم الوسيط محّط ( بالحاء المشددة ) أمرّ ( بالراء برضه المشددة) الأصابع
على الوتر لإصلاحه .
وفى ظنى أن كلمة محط تابعة لكلمة شحط تحدث نوعاً من الجرس الموسيقى لا معنى لها مثل حتتك بتتك
كانى ومانى......

أيَاً كان فكلمتى شحط محط وهما صفة للصعيدى معناها ان الصعيدى راجل دوغري يقوم بنجدة الضعيف ودعمه كما انه مايحبش الحال المايل ( نخفف شوية حدة الكلام)
وكمان الصعيدى بيموت ف دباديب أم الإصلاح بجميع أنواعه بس هو بيعز بصفة خاصة النوع البطىء اللى على مهله.

هذا بالنسبة لاسم المدونة

اما محتوى المدونة
فستحتوى على كل شيء تقريباً عن الصعيد
الفنون الأدبية
والشعبية
والصناعات الحرفية
والأمثال والعادات

فن الواو مع عرض نماذج قديمة وحديثة وذكر موجز عن قائل كل مربع
علمأ بأن لى نماذج على قلتها ستنال اعجابكم

واحداها ستكون وصفاً لمدونتى


السنط طـــارح قرض والنخل ساكت ليه
زمن الأصالة انقرض والندل باشا وبيه

فى الختام
أرجو تقديم اقتراحاتكم
مع التعليق على العنوان ومحولة تفسيره لغوياً ومن حيث المعنى
ولكم جزيل الشكر

أبوامل

17 comments:

Geddo Iskandar said...

مبروك يا ريس ...

مستنيين الإبداع

بالتوفيق انشاء الله

Geddo Iskandar said...

مبروك يا ريس ...

مستنيين الإبداع

بالتوفيق انشاء الله

Adel said...

اولا مبروك يابو امل بس لي سؤال امل اسم واد ولا بت ولو بت تبقى سنة سودة صعيدي وتخلي الناس تعرف اسم واحدة من حريم البيت يلزمني بيمين انا لوحد عرف ان بنتي اسمها نعمة الله اولع فيه خبرك ياك اتجنيت امال..... انت تسمع عن عرب جهينة احنا اللي عانجتل ونحاكم نفسينا يا بو خالو اما شحط محط فانت اوجزت وانجزت لكن اسمح لي بكل تواضع وبانحناء تتناسب مع كونك شاعر ولو اني لا اميل للنوع ده من الشعر لكن طبعا له جمهوره لاني من عشاق المواوييل بكل الوانها واكيد انت فاهم يعني ايه الوانها اللي منها الاحمر والاصفر والاخضر ودلوقتي بقى فيه الفوشية والمحمحي ..... ان افسر لجنابك كلمة كاني وماني وهية فرعونية وهي تعني العسل والسمن باللغة الفرعونية وحتتك بتتك كّل اللحم لان كلمة حاتي هو شاوي اللحم ويا باشا منتظرينك تزورنا ووعد شرف على راي ناصر لك عندي فرخة بحالة مش ربع فرخة وتحياتي لك ولكل من سكن الحدود من اول دنينة الحوانات لغاية ناصر ودكة وكشتمنة

Unknown said...

جدو اسكندر والله انا سعيد جداً بتشرفك
شكراً لك



من زمان
اهلاً ياعرب
اولاً امل بنت ملت حياتى امل

وبعدين يابو نعمة الله
ايه المانع من معرفة اسم البنت طبعاً كلامك هزار
من ناحية رأيك فى هذا النوع
انا معك فى الأي اري انه فناً شفاهياً
وانا مختبف مع احد المبدعين لفن الواو فقط ولا يكتب اى نوع وهذا الفن مارس اجدادنا قديماً وقد احياه الباحث المبدع عبد الستار سليم فى قنا وااه انما بحاول تقديم تسجيل لكل ماهو صعيدى تسجيل فقط لم اقل ان هذا ابداع منى فابداعى فى مدونة منين اجيب ناس
اما عن الكلمات المتشابهة الحروف فأن عارف معانيها ولم اسق هذين الثالين الا لتقريب التناغم فى كلمتى شحط محط
وبعدين ان عاوز اسهاماتك فى هذه المدونة

بالمناسبة طبعاً تعرف دمال الغيطانى
دمال


مش انت من دهينة
تحياتى سعدت بك وبتعليقك

أجدع واحد في الشارع said...

مبروك يا باشا على المدونا الجديد وان شاء الله
شحط محط على الاخر

Unknown said...

يا الله
موضوع جامد قوي يا ابو امل
الصعايدة
أدبهم
وتراثهم
وصناعتهم
وكلوا كلوا
واالنبي اسعفنى بمواضيعك
لاحسن شكلي هتجوز واحد بلدياتك
اهو برضوا نثقف نفسينا
عشان ميقولش عليا جاهلة

أبوشنب said...

وريهم الأصالة يا عم فتحي

وإحكي عن الأحباب

عدوس

وصابر

وجابر

وعبد الهادي كشيح

والحاج ومختار

مختار المخاتير في أغاني فيروز

وأديب

وكل الناس

اللي مش هتتكرر تاني

بحلوها ومرها

ناس كانت ناس يا فتحي

ولسة الايام هتوريك

نصاص الناس يا واد عمي

Unknown said...

ابن الشارع
يارب اكون عند حسن ظنك يارب
تحياتى


جرينيمو
الف مبروك مقدماً وانشالله تلاقى فى مدونتى المعلومات اللى تمكنك من التعامل مع هذه النماذج البشرية المتفردة
وربنا يوفقك وتقدري تحافظى على هذه السلالة من الإنقراض وبلاش
موضوع عيادات النجمة الذهبية وخلافة عشان جنسنا يعنى
ما يضيعش
بالتوفيق





ابوشنب
الشمعة بتاعتى فى ليل البلد
المعتم احياناً شكراً على دعمك
وادعيلى اقدر انقل صورة عن بلدنا للناس وللتاريخ
تحياتى

MAKSOFA said...

مبروك ياصعيدي
انا في انتظار ما سوف تكتبة وأعتقد انة سيكون شيقا

وصحيح انا اصولي القديمةمن المنصورة يعني وجة بحري خالص ، الا أنني مولودة في اجمل مدينةوهي القاهرةوالتي أشعر لها بحنين جارف يعتقد البعض بأنة مبالغ فية ، الا أنني أكتشفت وبعد تحديدك خريطة صعيد مصر والتي تبدأ من عند سور جنينة الحيوانات ، أكتشفت اليوم بحكم سكني و أقامتي أنني أصبحت صعيدية
يلا يابلدينا مستنية اللي حا تكتبة عن قرايبي هناك

محمد أبو زيد said...

ألف مبروك المدونة
وعاوزين نعمل تكتل مدونات صعيدية
شد حيلك
وبالمناسبة
المربع اللي انت كتبته ده جميل جدا

Unknown said...

مكسوفة
نورت المدونة
وع العموم احنا لينا فيك لو ماكنش فى الدم
ففى الطباع
حب الصراحة
وعدم اللف والدوران
تحياتى وارجو ان اكون عند حسن الظن


محمد ابوزيد
شكراً انا اتشرف بيك وارجو التعاون من اجل تقديم الصعيد بالصورة الموضوعية
ومن ناحية المربع
فأنا ما بكتبش مربعات
ولكن اعرف اساتذة فية
هاعرض نماذج لهم بع الإستئذان منهم
تحياتى

مـحـمـد مـفـيـد said...

فكره رائعه لمدونه ستكون مفيده جدا وتعبر عن الواقع

Unknown said...

محمد مفيد
يارب اكون عند حسن ظنك

saso said...

اللة عليك ايوة كدة
وانا معاك في موضوع المربعات اعرف منهم كتير وباجمعهم من .. احم احم بانزل المولد الصبح والناس لسة مركزة واسمع مربعاتهم وبادونها هواية بقي

الحريري said...

بصراحة الفكرة رائعة ربنا يكون في عونك وربنا يقدرنا ونكمل معاك المشوار انا صعيدي قناوي
وفعلا محتاجين ان الناس تعرف مين هم الصعايدة
انت عارف ليا اسبوع بدور على مواويل صعيدي ولا مزمار صعيدي ولا مربعات ومش لاقي خالص ياريت لو حد يقدر يدلني عليها وشكرا

mehmet said...

مدونه انشاء الله تنجح فيها

بس اهم حاجه الاستمرار

وابقي تيجي انت مبتجيش ليه

بيييييييييييييس

واحد صعيدي قناوي زيك

سعد said...

بشكى همومى لمصر

وهى ناسيانا

ساكنة هناك فى القصر

وقُبلى رميانا

باصة تجاة البـــــــحر

عامله مش سمعانا

* * * * * * * * * * *

يا أمى لو انت سبتينى

طيب حاروح على فين

زارع هواكى فى طينى

بتمنى اشـــوف بساتين

يمكن فى يــــــوم تدينى

يمكن تسُــــــــرى العين

* * * * * * * * * *

عارف عشقك نار

بس لية بيحـــــــــرقنى

كأن مبينا تار

بعد الحـــــــرق غرقنى

جايز دا حبك عار

من حلمى يســــــــــــــرقنى

* * * * * * * * * *

جايلك من مصرك التانية

معاى من ناسها اوجـــــــــــاع

لقيت اسوارك العالية

حاجز مابين القلب والاضلاع

جايب قلوبهم الصافية

علشان يمكـــــــــن هنا تتباع

* * * * * * * * * * * * * *

بعتينا فى ســـــوق الرجال

وقبضتى لحم ودم

بطـــــــال على شغــــــال

الكل راكبه الهم

لابتشفقى علــــــــى حال

بالذمة تبقى دى أم

* * * * * * * * * * *

بنموت لأتفه ســـــبب

فى مدنا وقُرنا

والحـــــب عنا اتحجب

كأنها كرهانا

لوفاكرة العشق انكتب


تبقى انت غلطانا